සෞභාග්‍යා ගෙවතු වගා සංග්‍රාමය වැඩසටහන යටතේ ගෙවතු වගාව පිළිබඳ උනන්දුවක් දක්වන අයට එම කටයුතු වලට දිරිදීමක් වශයෙන් එළවළු පැල, කොම්පෝස්ට් පොහොර හා බීජ සභා අරමුදලේ දායකත්වය යටතේ ලබා දීමට කටයුතු කෙරිණි. එම එළවළු පැල හා අනෙකුත් ද්‍රව්‍ය ගාල්ල මහා නගර සභා ප්‍රජා සංවර්ධන අංශය හරහා ගාල්ල මහා නගර සභාවේ මන්ත්‍රී මණ්ඩලයේ මග පෙන්වීම මත සභා බල ප්‍රදේශයේ අදාළ පවුල් ඒකක වෙත ලබා දීමට කටයුතු කෙරිණි.
ආසියානු කලාපීය රටවල් වල පිහිටි සුන්දර නගර 13ක් අමෙරිකාවේ CNN මාධ්‍ය ආයතනය විසින් නම් කර තිබෙනවා. එම නගර අතරට ශ්‍රි ලංකාවේ ගාල්ල නගරය ද එක්ව තිබෙනවා. “ඓතිහාසික ඕලන්ද බලකොටුව” (Galle Dutch Fort) කේන්ද්‍ර කරගත් ගාල්ල නගරය වශයෙන් මෙම සුන්දරතම නගර අතරට ගාල්ල නගරය එක්කර තිබීම සුවිශේෂීත්වයක්.
